Govt Scheme: కేంద్ర ప్రభుత్వ స్కీమ్.. నెల నెలా చేతికి రూ. 9 వేలు.. ఎలా చేరాలంటే?

Govt Scheme: కేంద్ర ప్రభుత్వ స్కీమ్.. నెల నెలా చేతికి రూ. 9 వేలు.. ఎలా చేరాలంటే ? 

Govt Scheme: నెలకు కొంత స్థిరమైన రాబడి ఉంటే అది ఎంతగానో ఉపయోగపడుతుంది. ముఖ్యంగా పదవీ విరమణ తర్వాత పెన్షన్ మాదిరిగా నెల నెల ఆదాయం అందింతే వారికి భరోసాను ఇస్తుంది. అలాంటి ఓ స్కీమ్ అందిస్తోంది కేంద్ర ప్రభుత్వం. ఈ పథకంలో పెట్టుబడి పెట్టినట్లయితే ప్రతీ నెల రూ. 9 వేలు పొందవచ్చు. అలాగే మీ ఇన్వెస్ట్‌మెంట్ సురక్షితంగా ఉంటుంది కూడా. ఈ పథకంలో ఎలా చేరాలి, ఎంత మేర ప్రతి నెలా గరిష్ఠంగా పొందవచ్చు అనేది ఇప్పుడు మనం తెలుసుకుందాం.

ప్రభుత్వ ఉద్యోగాలు, ప్రభుత్వ పథకాలు, ప్రైవేట్ కంపెనీ ఉద్యోగాల గురించి రోజువారీ సమాచారాన్ని పొందడానికి మా వాట్సాప్ గ్రూప్‌లో మరియు టెలిగ్రామ్ ఛానెల్‌లో చేరండి

మా వాట్సాప్ గ్రూప్ లో చేరడానికి Click Here 
టెలిగ్రామ్ ఛానెల్‌లో చేరండి Click Here

Govt Scheme: కష్టపడి సంపాదించిన డబ్బులను రిస్క్ లేని మంచి రాబడి ఇచ్చే సేవింగ్ పథకాల్లో పెట్టేందుకే చాలా మంది మొగ్గు చూపుతారు. అలాంటి సేవింగ్స్ స్కీమ్స్‌లో ఎక్కువ వడ్డీ అందించే ప్రభుత్వ రంగ సంస్థ పోస్టల్ డిపార్ట్‌మెంట్. పోస్టాఫీసు పొదుపు పథకాల్లో పెట్టుబడి పెట్టడం ద్వారా సురక్షితంగా ఉండడంతో పాటు వడ్డీ రూపంలో మంచి రాబడి వస్తుంది. బ్యాంకుల్లో ఫిక్స్‌డ్ డిపాజిట్ చేసినా కానీ, ఇక్కడ వచ్చే వడ్డీ దానిలో లభించదు.అందుకే చాలా మంది పోస్టాఫీసు పథకాలపై ఆసక్తి చూపిస్తుంటారు.

కేంద్ర ప్రభుత్వం ఇటీవలే ఎంపిక చేసిన పొదుపు పథకాల వడ్డీ రేట్లను పెంచిన విషయం తెలిసిందే. అందులో ఒకటి పోస్టాఫీసు మంత్లీ ఇన్‌కమ్ స్కీమ్. ఇందులో ఖాతా తెరిచి పెట్టుబడి పెడితే ఇన్వెస్టర్ ఎలాంటి రిస్క్ లేకుండా ప్రతీ నెల రాబడి పొందవచ్చు.

పోస్టాఫీసు మంత్లీ ఇన్‌కమ్ స్కీమ్‌లో పెట్టుబడి పరిమితిని పెంచుతున్నట్లు ఆర్థిక మంత్రిత్వ శాఖ ఇటీవలే నోటిఫై చేసింది. నెలవారి ఆదాయ పెట్టుబడి స్కీమ్ కింద వ్యక్తిగతంగా లేదా జాయింట్ అకౌంట్ తెరవొచ్చు. 10 ఏళ్లలోపు మైనర్ల తరపున వారి సంరక్షకులు ఈ అకౌంట్ ఓపెన్ చేయవచ్చు. 10 ఏళ్లు దాటినట్లయితే నేరుగా వారి పేరుపైనే ఖాతా తీసుకుని ఇన్వెస్ట్ చేయవచ్చు. మీ దగ్గర్లో ఉన్న పోస్టాఫీసుల్లో ఈ MIS ఖాతా తీసుకోవచ్చు. ఇందులో కనీసం రూ.1000 పొదుపు చేయాల్సి ఉంటుంది. గరిష్ఠంగా రూ. 9 లక్షల వరకు డిపాజిట్ చేయవచ్చు. మార్చి 31, 2023న జారీ చేసిన నోటిఫికేషన్ ప్రకారం ఈ పరిధిని నోటిఫై చేశారు. ఒక వేళ జాయింట్ ఖాతా అయితే గరిష్ఠంగా రూ. 15 లక్షల వరకు ఈ పథకంలో ఇన్వెస్ట్ చేయవచ్చు.

ప్రస్తుతం పోస్టాఫీసు మంత్లీ ఇన్‌కమ్ స్కీమ్ ద్వారా 7.4 శాతం వడ్డీ అందిస్తోంది కేంద్ర ప్రభుత్వం. ఈ వడ్డీ రేటును ప్రతి మూడు నెలలకు ఒకసారి సవరిస్తుంటుంది. ప్రస్తుతం ఈ స్కీమ్ కింద రూ. 1 లక్ష ఇన్వెస్ట్ చేస్తే సుమారు రూ. 610 వరకు రాబడి వస్తుంది. ఒక వేళ మీరు గరిష్ఠ పరిమితి రూ. 9 లక్షల డిపాజిట్ చేస్తే మీకు నెలకు రూ. 5,550 పొందవచ్చు. అలాగే జాయింట్ ఖాతా తీసి రూ. 15 లక్షలు డిపాజిట్ చేసినట్లియితే మీకు నెలకు రూ. 9, 250 బ్యాంక్ అకౌంట్లో జమ అవుతాయి. ఈ అకౌంట్ మెచ్యూరిటీ పీరియడ్ ఐదేళ్లుగా ఉంటుంది.

డిపాజిట్ చేసిన తేదీ తర్వాతి నెల నుంచి మెచ్యూరిటీ పూర్తయ్యే వరకు ప్రతీ నెలా మీ పోస్టాఫీసు సేవింగ్స్ ఖాతాలో వడ్డీ రూపంలో రాబడి జమ అవుతుంది. డిపాజిట్ చేసిన సంవత్సరంలోగా ఖాతాను క్లోజ్ చేసే అవకాశం ఉండది. ఏడాది నుంచి మూడేళ్లలోగా ప్రీమెచ్యూర్ క్లోజ్ చేసుకోవచ్చు. అయితే 2 సాతం డిడక్షన్ ఉంటుంది. మూడేళ్ల తర్వాత అయితే 1 శాతం డిడక్షన్ ఉంటుంది. ఒక వేళ మెచ్యూరిటీ ముగియక ముందే డిపాజిట్ చేసిన వారు మరణిస్తే నామినీకి ఆ మొత్తం అందిస్తారు.

ప్రభుత్వ ఉద్యోగాలు, ప్రభుత్వ పథకాలు, ప్రైవేట్ కంపెనీ ఉద్యోగాల గురించి రోజువారీ సమాచారాన్ని పొందడానికి మా వాట్సాప్ గ్రూప్‌లో మరియు టెలిగ్రామ్ ఛానెల్‌లో చేరండి

మా వాట్సాప్ గ్రూప్ లో చేరడానికి Click Here 
టెలిగ్రామ్ ఛానెల్‌లో చేరండి Click Here

Leave a comment